مش عارف ليه الناس مكبرة أوى موضوع تطبيق الشريعة الإسلامية فى مصر لو الإسلاميين فازوا بالرئاسة , ممكن أى "دكر" يطبق الشريعة الإسلامية بحذافيرها , و مع المصريين ؟! , كان الفاروق عمر أقدر أن يفعلها و لم يستطع !
تطبيق الشريعة الإسلامية فى جو صحى و مثالى أقرب للرفاهية , تخيلوا معايا كده لو مفيش فقراء بيمدوا اديهم لحد , أو تاخد قرض من البنك من غير ما يتخرب بيتك , أو تتكفل الدولة بضمان حقك فى الزواج و استقراره , أو غير المسلمين يعفون من تأدية الخدمة العسكرية مقابل جزية المال بدلا ما الحكومة تلهف الضرائب و برضو تدخلهم الجيش , أو انك تمشى فى الشارع من غير ما يدايقك واحد معرص من اللى بيدللوا على الشراميط و الخمرة و الحشيش , أو انك تضمن انك ما تلاقيش حرامى واحد فى البلد حتى و لو السجون مقفولة . و بكرر ده لو كنا مهأيين جو مثالى لتطبيق الشريعة ..
انما الواقع ابشع من انك تفكر انك تطرح فكرة مثل تطبيق الشريعة الا عن طريق تغيير جذرى و مفتكس لتغيير نمط حياة الصريين من كرباج الميرى الى حكمة الإسلام , و لو نجح هذا النظام فى الدول التى سبقت مصر فى تطبيقه ما بقى ال سعود على الكراسى و لكان مقام اية الله تحت الأقدام . و لكن العادة جرت بأن يكون الدين هو ما يكمم الأفواه عندما يتحدث الطغاة و هو لم يرسل الا مخضبا بدماء كل من امنوا بخلاصهم فى الإيمان به .
No comments:
Post a Comment